ചാക്കോച്ചനും അർജ്ജുൻ അശോകനും പെപ്പേയും ഒന്നിക്കുന്ന 'ചാവേർ' സെക്കന്‍റ് ലുക്ക് മോഷൻ പോസ്റ്റർ ശ്രദ്ധ നേടുന്നു.

ചാക്കോച്ചനും അർജ്ജുൻ അശോകനും പെപ്പേയും ഒന്നിക്കുന്ന 'ചാവേർ' സെക്കന്‍റ് ലുക്ക് മോഷൻ പോസ്റ്റർ ശ്രദ്ധ നേടുന്നു.

ഒരു മഹാവൃക്ഷത്തിന്‍റെ വേരുപോലെ ചുറ്റിപിണഞ്ഞ് കിടക്കുന്ന മനുഷ്യ മനസ്സുകളിലെ വന്യമായ ചിന്തകളുടെയും ചെയ്തികളുടേയും നേർ സാക്ഷ്യമായി 'ചാവേർ' എന്ന ടിനു പാപ്പച്ചൻചിത്രംപ്രേക്ഷകരിലേക്കെത്താൻ ഇനി ദിവസങ്ങൾ മാത്രം. ഇപ്പോഴിതാ പ്രേക്ഷകരിൽ ആകാംക്ഷയേറ്റി 'ചാവേർ' സെക്കന്‍റ് ലുക്ക് മോഷൻ പോസ്റ്റർ പുറത്തിറങ്ങിയിരിക്കുകയാണ്. ജീവൻ പണയം വെച്ച് പോരാടാൻ എന്തിനും തുനിഞ്ഞിറങ്ങുന്ന ചാവേറുകളായി ചാക്കോച്ചനും അർജ്ജുൻ അശോകനും പെപ്പേയും എത്തുന്ന സിനിമയെ ഏറെ പ്രതീക്ഷയോടെ കാത്തിരിക്കുകയാണ് പ്രേക്ഷകർ. ആ പ്രതീക്ഷയ്ക്ക് ഇന്ധനം പകർന്നിരിക്കുകയാണ് ഇപ്പോൾ ത്രസിപ്പിക്കുന്ന ഈ മോഷൻ പോസ്റ്റർ. 

പ്രേക്ഷകരേവരും ഏറ്റെടുത്ത 'സ്വാതന്ത്ര്യം അര്‍ദ്ധരാത്രിയിൽ', 'അജഗജാന്തരം' എന്നീ സൂപ്പർ ഹിറ്റ് സിനിമകള്‍ക്ക് ശേഷം ടിനു പാപ്പച്ചൻ ഒരുക്കുന്ന ചിത്രം ഇതിനകം തന്നെ സിനിമാ പ്രേമികള്‍ക്കിടയിൽ ചർച്ചാവിഷയമാണ്.  സിനിമയുടേതായി ഇറങ്ങിയ ടൈറ്റിൽ പോസ്റ്ററും ടീസറും ഫസ്റ്റ്‍ ലുക്കുമൊക്കെ ഏവരും ഇതിനകം ഏറ്റെടുത്തിരുന്നു. അതിന് പിന്നാലെയാണിപ്പോള്‍ സെക്കന്‍റ് ലുക്ക് മോഷൻ പോസ്റ്റർ എത്തിയിരിക്കുന്നത്. ഉള്ളിൽ തറയ്ക്കുന്ന പശ്ചാത്തല സംഗീതത്തിന്‍റെ അകമ്പടിയോടെ കഥാപാത്രങ്ങളുടെ ജ്വലിക്കുന്ന മുഖഭാവങ്ങളുമായാണ് വേറിട്ട രീതിയിലുള്ള മോഷൻ പോസ്റ്റർ എത്തിയിരിക്കുന്നത്. 

‘ചാവേറി'ൽ കുഞ്ചാക്കോ ബോബൻ അവതരിപ്പിക്കുന്ന അശോകൻ എന്ന കഥാപാത്രത്തിന്‍റെ ലുക്കും സോഷ്യൽമീഡിയ മുമ്പും ഏറ്റെടുത്തിരുന്നു. സൂപ്പർ ഹിറ്റ് സംവിധായകൻ ടിനു പാപ്പച്ചനും മലയാളികളുടെ പ്രിയ താരം കുഞ്ചാക്കോ ബോബനും ആദ്യമായി ഒന്നിക്കുന്നു എന്നതിനാൽ തന്നെ 'ചാവേർ' സിനിമയ്ക്കായി ഏറെ പ്രതീക്ഷയിലാണ് പ്രേക്ഷകർ. ടിനു പാപ്പച്ചന്‍റെ മുൻ ചിത്രങ്ങളെക്കാൾ ഏറെ വ്യത്യസ്തമായ പ്രമേയം സംസാരിക്കുന്ന ചിത്രമായിരിക്കും ചാവേർ എന്ന് അടിവരയിടുന്നതുമാണ് ഇപ്പോള്‍ ഇറങ്ങിയിരിക്കുന്ന മോഷൻ പോസ്റ്ററും. 

നടനും സംവിധായകനുമായ ജോയ് മാത്യു തിരക്കഥയൊരുക്കുന്ന ചിത്രം അരുൺ നാരായൺ, വേണു കുന്നപ്പിള്ളി എന്നിവർ ചേർന്നാണ് നിർമ്മിക്കുന്നത്. ഛായാഗ്രഹണം: ജിന്‍റോ ജോർജ്ജ്, എഡിറ്റർ: നിഷാദ്  യൂസഫ്, സംഗീതം: ജസ്റ്റിൻ വർഗീസ്, പ്രൊഡക്ഷൻ ഡിസൈൻ: ഗോകുൽ ദാസ്, പ്രൊഡക്ഷൻ കൺട്രോളർ: ആസാദ് കണ്ണാടിക്കൽ, സൗണ്ട് ഡിസൈൻ: രംഗനാഥ് രവി, മേക്കപ്പ്: റോണക്സ് സേവ്യർ, കോസ്റ്റ്യൂം: മെൽവി ജെ, സംഘട്ടനം: സുപ്രീം സുന്ദർ, ലൈൻ പ്രൊഡ്യൂസർ: സുനിൽ സിംഗ്, ചീഫ് അസോ. ഡയറക്ടർ: രതീഷ് മൈക്കിൾ, പ്രൊഡക്ഷൻ എക്സിക്യുട്ടീവ്: ബ്രിജീഷ്‌ ശിവരാമൻ, സ്റ്റിൽസ്: അർജുൻ കല്ലിങ്കൽ, വി എഫ് എക്സ്: ആക്സൽ മീഡിയ, ഡിജിറ്റൽ പി ആർ അനൂപ് സുന്ദരൻ, ഡിസൈൻസ്‌: മക്ഗുഫിൻ, പി.ആർ.ഓ: ഹെയിൻസ്, ആതിര ദിൽജിത്ത്, മാർക്കറ്റിംഗ്: സ്നേക്ക്പ്ലാന്‍റ്.