" D.N.A " ഓഫീഷ്യൽ പോസ്റ്റർ പുറത്തിറങ്ങി..

 " D.N.A " ഓഫീഷ്യൽ പോസ്റ്റർ പുറത്തിറങ്ങി.. 

ബെൻസി പ്രൊഡക്ഷൻസിൻ്റെ ബാനറിൽ കെ.വി.അബ്ദുൾ നാസ്റ്റർ നിർമ്മിച്ച് ടി.എസ്.സുരേഷ് ബാബു സംവിധാനംചെയ്യുന്നഡി.എൻ.എ. എന്ന ചിത്രത്തിൻ്റെ ഫസ്റ്റ് ലുക്ക് പോസ്റ്റർ പുറത്തുവിട്ടിരിക്കുന്നു

സുപ്പർ സ്റ്റാർ സുരേഷ് ഗോപി . ഗോകുൽ സുരേഷ് ഗോപി എന്നിവരുടെ ഒഫീഷ്യൽ പേജിലൂടെയാണ് പോസ്റ്റർ പുറത്തുവിട്ടിരിക്കുന്നത്. നൂറു ദിവസത്തോളം നീണ്ടു നിൽക്കുന്ന ചിത്രീകരണമാണ് ഈ ചിത്രത്തിനു വേണ്ടിവരുന്നത്.വൻബഡ്‌ജറ്റിലൊരുങ്ങുന്ന ഈ ചിത്രം പൂർണ്ണമായും അക്ഷൻ ക്രൈം ത്രില്ലർ ജോണറിലുടെയാണ് അവതരിപ്പിക്കുന്നത്.സമീപകാലത്തെ ഏറ്റവും  മികച്ച ആക്ഷൻ ചിത്രമായിരിക്കുമിത്.

ദക്ഷിണേന്ത്യൻ സിനിമയിലെ നാലു മികച്ചആക്ഷൻകൊറിയോഗ്രാഫറന്മാരാണ് സംഘട്ടനം ഒരുക്കിയിരിക്കുന്നത്. സ്റ്റണ്ട് സെൽവ, പഴനിരാജ്, കനൽക്കണ്ണൻ, റൺ രവി, എന്നിവരാണിവർ.

യുവനടൻ അഷ്ക്കർ സൗദാനാണ് ഈ ചിത്രത്തിലെ നായകൻ.വലിയൊരു ക്യാൻവാസ്സിൽ ഒരുക്കുന്ന ഈ ചിത്രത്തിലൂടെ അഷ്ക്കർ സൗദാൻ മുൻനിരയിലേക്കുയരുമെന്നതിൽ സംശയമില്ല ലക്ഷ്മി റായ് യാണ് ഈ ചിത്രത്തിലെ മറ്റൊരു കേന്ദ്രകഥാപാത്രത്തെ അവതരിപ്പിക്കുന്നത്.സിറ്റി പൊലീസ് കമ്മീഷണർ റേച്ചൽ പുന്നൂസ് എന്ന കഥാപാത്രത്തെ അവതരിപ്പിക്കുന്നു.

ഹന്ന റെജി കോശി, ഇനി യാ സാ സ്വിക, ഗൗരി നന്ദ, സീതാ പാർവ്വതി, അജു വർഗീസ്, രൺജി പണിക്കർ ,ഇർഷാദ്, കോട്ടയം നസീർ, പത്മരാജ് രതീഷ്, കൈലാഷ്, രാജാ സാഹിബ്ബ്, സെന്തിൽ കൃഷ്ണ, റിയാസ് ഖാൻ ,പൊൻ വണ്ണൻ, രവീന്ദ്രൻ, ഡ്രാക്കുള സുധീർ, ഇടവേള ബാബു, കുഞ്ചൻ, അമീർ നിയാസ്, ശിവാനി, അമീർ നിയാസ്,കലാഭവൻ ഹനീഫ്, റോമ, സൂര്യ രാജേഷ് എന്നിവരും ഈ ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു.ഇവർക്കൊപ്പം ബാബു ആൻ്റെണിയും പ്രധാന വേഷത്തിലെത്തുന്നു.

ഏ.കെ.സന്തോഷാണ് ഈ ചിത്രത്തിൻ്റെ രചന നിർവ്വഹിച്ചിരിക്കുന്നത്.പ്രശസ്ത നടി കനിഹയാണ് ഈ ചിത്രത്തിലെ ഗാനങ്ങൾ രചിച്ചിരിക്കുന്നത്.സംഗീതം - ശരത് -ഛായാഗ്രഹണം - രവിചന്ദ്രൻ ' എഡിറ്റിംഗ്‌.ജോൺകുട്ടി.കലാസംവിധാനം - ശ്യാംകാർത്തികേയൻ.രഞ്ജിത്ത് അമ്പാടി.വസ്ത്രാലങ്കാരം - നാഗരാജൻ ചീഫ് അസ്സോസ്സിയേറ്റ് ഡയറക്ടർ - അനിൽ മേടയിൽ.പ്രൊഡക്ഷൻ എക്സിക്കുട്ടീവ്സ് - ജസ്റ്റിൻ കൊല്ലം, ആൻ്റെണി കുട്ടമ്പുഴ.പ്രൊഡക്ഷൻ കൺട്രോളർ- അനീഷ് പെരുമ്പിലാവ്.

വാഴൂർ ജോസ്.